الشاعر. نسيم جاد..يكتب/أجري ورا حلمك

تأليف. نسيم
اجري ورا حلمك.
اتمنى اعرف رأيكم 🤔🤔🤔🤔🤔🤔🤔🤔🤔🤔🤔🤔🤔 

   اجري ورا حلمك
واوعي تفرط فيه  
ولو الزمان تاعبك
دوسه والعب بيه
افتح بيبان قلبك
وبالطموح قويه
ومهما طال دربك
لازم في يوم تنهيه
اجري ورا حلمك
ماتسبش لحظة تفوت
وعالى صوت املك
اوعى تعيش فى سكوت
ولو الحياة ضدك
اياك تعيش هلفوت
اسمع كلام ربك
تتعب تلاقي القوت
اجري ورا حلمك
لسه الحياة قدام
ولو زينوا فشلك
اياك تعيش في ظلام
ارجع وعيد خططك
وكسر الاوهااااام
اجري وسيب اسمك
علامه في الايام
#نسيم_جاد