الشاعر. جان زهر يكتب/رايحين يشموا الهوا
" رايحين يشمّوا الهوا !!؟؟ " 🌇جان زهر 🌇بقلمي :
********************
__ كيف صبّحتوا يا خيا ابو الياس انت وام الياس ان شالله محضرين شنطاتكو للسفر !! ؟....😳
__ حاضرين من زمان خيا ابو يوسف ، خلينا نوخذ الترين ( القطار) للمطار اسرع واهون ....😳
__ وهو عند قولك خيا ابو الياس ، ما تنسوا ال بازابورتات وكرتات السفر لايطاليا ومصاريف الرحلة ...😳
__ كله حاضر خيا ابو يوسف يالله خلينا نلحق الترين قبل ما يفوتنا الوقت ...🙄
__ هاي وصلنا عالوقت مع الترين ، يالله يا نسوان اطلعوا قدامنا خذوا محلات لحد ما انطلّع الشنطات ونلحقكو ، ... هياكو لاقيتو محلات مريحة منقول يا مسهّل .. 🙄
__ هاي وصلنا المطار اسبقونا يا نسوان على منطقة ايطاليا واحنا وراكو مع الشنطات ، شكل الأمن الإسرائيلي حاضر للتفتيش ، الله يستر ، بيقولوا الأمن في المطار بيتصرفوا مثل الوحوش ما بيحترموا لا كبير ولا صغير والتفتيش مذل ومقرف الله يستر وان شاء الله نكون غلطانين ....😟
__ انتو تآالو ( تعالو ) هون ، انتو سوا سوا ، كله ماا بإض ( كلكم مع بعض )؟! ...😱_
__نعم يا حضرة كلنا مع بعض وهاي شنطاتنا وهاي بازابورتاتنا وكرتاتنا شو بدك كمان ؟!.....😧
__ خطو هدا شنطات على الطاولة عشان تفتيش ، يالله يالله كوام كوام !! ...😰
__ اي شو مفكرنا اولاد صغار ؟ قوام قوام ؟ بالراحة علينا شوي ، يالله يا معين !! ايدك مع ايدي يا ابو الياس تنرفع هالشنطات والله ثقال ايوه ، هاي حطينا الشنط عالطاولة ، شو بدك بعد ؟؟...😨_
__ افتخ هدا شنطه كله ، وروخ بأايد وقف كله هناك رجال ، انت وانت مرتو بتااو مرتو بتااو روخ هناك جوًّا عند البنات الشان يفتش انتو ...😤😤(( انت وانت مرتو بتاعو ومرتو بتاعو روحو عند البنات جوّا علشان يفتشوكو ))
__ ابو الياس نرفز من طريقة الأمن الإستفزازية سألوا : وطيب ليش بتفتشونا احنا بس وكل هالمستوطنين اللي طالعين معنا على نفس الطيارة ما بتفتشوهن ؟؟!!🙀
__ هذا قانون بتاا فزير الأمن ، هيك بيكول ، اخسن ، ألَشان كله أربي إرغابي، افتخ هدا شنطة كوام كوام ، وخلس كتير خكي !!🙀( (( هذا قانون بتاع وزير الامن ، هيك بيقول ، احسن ، علشان كل العرب ارهابيين ))
__ وابو الياس ولعت معو ، يعني هدول المستوطنين مش ارهابيين ؟؟! شو عرّفنا اذا حامل سلاح تحت اواعيه وبيقتلنا بالطيارة والأمن اللي بالطيارة برمي سكاكين جنب جتتنا وبيصيحو ارهابيين هجموا علينا بالسكاكين ، بس الحمدالله قتلناهم قبل ما يقتلونا او يأذو حدا بالطيارة !! ما انتو متعودين تعملوها ومش اشي جديد عليكو .👿👿
__اخنا موش إرغابي انتو أرب إرغابي ، كله كله أرب إرغابي ، يالله افتخ شنطه ألَشان افتش ، وبأدين ، انت وانت تنين رجال ، فوت جوّه في هداك اوده اشان افتش انتو !! 👿
__ هاي فتَحتِلك الشنطة مش خوف منكو ولا احنرام الكو بس علشان ما انعركس المشوار على نسواننا ، وبعدين لنوصل الأوضه جوا بيحلها الله معكو ....😤
__ في هدا وهدا وهدا ممنوء توخد مااكم ، هدا اخنا منوخد هدا الكانون هيك بيكول !!!👿
__ ابو يوسف رد وقالوا : اعطينا هدول الاكم شغلة اللي ممنوع نوخدهم ، ايوه .. هه ، هه ، هاي معسناهن ومزعناهن ورميناهن بالزبالة ولا توخدوهم يا حرامية وتستغلوهم انتو !!!😤
- [ ] __ مالك يا ام الياس صوتك طالع ؟؟ شو بدهم منكم هالمقلعطين ؟؟ ديروا بالكم منهم ، هدول حرامية وممكن يسرقوكم وانتو مش حاسين ، ما تخلوهم يمدوا ايدهم على جسمكم لان هدول النسوان اللي بفتشو وسخين ونجسين !!. 😤
- [ ] __ شكلهن يا ابو الياس هدول نسوان الأمن وسخات، وبدهن ايانا نتعرى عالاخر قال بدهم يفتشو اوعينا التحتانية يشوفوا شو مخبيين فيها ، اسمعتوا يا ابو الياس وابو يوسف شو بدهم هالوسخات ؟؟ شو بتقولو ؟؟ 😤
__لا تردوا عليهن ردوا ابو يوسف وابو الياس لو بدو يصير شو ما صار ، يروحوا يفتشو امياتهم في بيوتهم ، مش يفتشو نسواننا كل غبرة على صرمايتكم اشرف منهم ومن اللي خلفوهم واولهم وزير امنهم ...😤
__ انت وانت ولك اربي شو بتكول ؟ انتو كلكو لازم اتفتش واشلخ كله كله ولا اشي ولا اشي تخلي ألى جسمك!! كله اواأي لازم اشلخ !! يالله جوّه في اوده تاني !! يالله يالله ، كوام كوام ، اخنا فيش وقت يا ارغابي انت وانت .انت بصيّخ يمكن ألَشان انت وانت في تخت اوااي اشي ممنوع ، خطر ، ألَشان هيك انت وانت خايف !! يالله فوت هناك ال اوده الثاني انت وانت اشلخ كله اوااعي ، يالله ، يالله يا ارب ارغابي انت وانت !!👿
__ ولك انتو واللي خلفوكم ارهابيين وحرامية ، صاحوا ابو الياس وابو يوسف ، اطلعوا يا نسوان من عندكم قبل ما يمدوا ايديهم النجسة عليكم ، ساعتها كل صابون نابلس ما راح ينظف نجاستهم عنكم ...😤
__ انت وانت شو بيكول للمره بتااك وبتااو ، اذا ما بفتش كله كله انت وانت ومرتات بتاا انتو مش راخ بيطلاا ألى طياره ولا بيسافر ولا بشم هوا ، انتو برجاا أل بيت يا ارغابيين ارب ،!!!👿
__ وهيك ولعت مع ابو الياس وابو يوسف وما خلّوا ولا بقّوا لهالأمن النجس !! وقالولهن : ولكو بالناقص من طياراتكم ومن السفر فيها ، ولكم منرجع عالبيت بشرفنا ولا منخليكم تنجسوا اجسامنا بايدكم النجسة يا مقلعطين وحرامية ، بدكم تسرقوا غراضنا من شنطاتنا وتقولوا هدا ممنوع وهدا ممنوع بيكفيش اراضينا اللي سرقتوها وبعدكم بتسرقوا فيها ، بيكفيش اولادنا اللي عم تقتللوهم بدون سبب وبتتهموهم بالتهجم عليكم بالسكاكين وكله كذب وتركيب وافترى ، شو بدنا نحكي لنحكي بلاويكم الها اول وما الها آخر قرف يقرفكم ، يالله يا نسوان نروّح عبيوتنا بشرفنا وبلا هيك شمّة هوا منجّسه بايديهن النجسة !!!! اخص عليكم وعلى امنكم يا لصوص ، قال لازم اشلخ اشلخ كله كله اوااي قال ، مفكرينا ومفكرين نسواننا زي نسوانهم ، اخص والف اخص عليكم وعلى هيك امن نجس ،😤😤😤😤😤😤😤
__ ملاحظة : هكذا تصرف امن المطار مع اعز الناس على قلوبنا عروهم وفتشوهم بشكل مهين ومقرف كأخلاقياتهم .
الأحرف : ال ع أ
ال ح ، خ
ال ق ، ك
ال ه غ
(١) (٣)
تعليقات
إرسال تعليق