الشاعره منى السيد تبدع في احدى روائعها هنرد الم السنين

هانرد الم السنين
لمين ولا لمين
ياما ناس كتير عايشين
بوشوش شبه الانس
وجوه منهم جن
يوسوس ف كل حس
بمهاره  وكل فن
نار غيره اكلت عقولهم
ماعدوش بيفرقو
عدو من حببهم
ف الكل بيشنقو
الكل عايز حقه
ومش مهم ازاي
وبيده قلبه يشقه
لو رق يوم للناي
الشاطراللي يجرح
ويمثل انه بريء
من غير رحمه يدبح
ويشفي كافة شيء
وينشر الملايات
متلاطخه بالدم
ويبص ف مرايات
مشروخه بسهوم سم
ولا هايشوف الحقيقه
لان جواه شيطان
مغمي عنيه البريءه
شايف الكل جبان

،،،،،ايمان السعيد،،،،،،