عزه محمود على حسن خليك بجرحك
عزه محمود على حسن
خليك بجرحك
***********
خليك بحرحك
تفتكر هقدر أسامحك
أو هتبكي وآجي أصالحك
بعد ما إديتك أمان
~~~~~~~~
كنت لما تقول تعالي
تترسم أحلام في بالي
و أعشقك حتي ف خيالي
قلبي كان نسمة حنان
~~~~~~~~~
كنت حاسة إنك ملاكي
قلت لي داري هواكي
لكن حبيت امتلاكي
جربت في هواك الهوان
~~~~~~~~~~~
قلبي كان مع كل كلمة
يرتعش وكأن نسمة
مسته بشوقك وعشقك
حتي عقلي عشق كمان
~~~~~~~~~~~
لكن كل ما أقرر أبعد
او افكر حتي أعند
أموووت لما تقولي هابعد
وافتكر كل اللي كان
تعليقات
إرسال تعليق