إيمان سعيد ،،،،،ضني روحي،،،،
إيمان سعيد
،،،،،ضني روحي،،،،
أبني يا غالي يا ضي عيوني
جبت الاسوه دي منين
بكيت قلبي ومهما لاموني
هفضل احبك دا الحنين
قطع قلبي
وخلي عيوني تبكي بحور
من اسوتك
نسيت امك ياما شالتك
ف حضنها خبتك
من العيون
اااااه غطتك
برموشها وبين الجفون
تكسب مين بموتك
لما تضيع جنتك
من غير ما تيجي تعتذر
قلبي مسامحك
ولما تيجي تفتكر
اني عايشه
ابقي تعالي هاتلاقيني
مستنياك وبدعيلك
بحق دمي اللي بيجري ف وريدك
يا ابن روحي وابن بطني
لو قالو لك امك ماتت خلاص
ابقي قول
ان التراب داوي جرحها
راحت وهيا نفسها
تحضني واكون جمبها
انا اللي نسيت عمرها
لما بقيت طولها
خلاص مبقتش محتجلها
اسيت عليها ظلمتها
ودبلت غصونها
ابقي قول انا سبتها
مش هيا الي سابتني
ابقي قول محتجلها
اكتر ما احتاجتلي
لما تعاتب نفسك
افتكر اني سامحتك
اصلك حته مني
انسي اسوتك
وافتكر غنوتك
وحكاياتي وحواديتي
ضنايا مهما نسيتني
انا مستحيل انساك
مهما تبكي عيني
شيفاك برضو ملاك
مين غيري يدعيلك
الجنه تكون مسواك
،،،،،،ايمان السعيد،،،،،
تعليقات
إرسال تعليق