... طيب حاضر ... قـلـم آلـم / ياســــــر صـابـر

... طيب حاضر ...
 قـلـم آلـم / ياســــــر صـابـر
طيب حاضر هعمل فيها مبسوط ...
وأكتم جواى مليون صووت ...

وأضحك وأبتسم قدام الكل ...
وهقول أنى عايش عيشة فل ...
بس ممكن تفهمونى يا ناس ...
أزاى نقدر نحول الأحساس ...
من آلم وعذاب وجراح ...
لـ حب وضحك وأفراح ...
قولوا بس أزاى وفين المفتاح ؟؟؟
اللى هيخلى الأبره فعيونى براح ؟؟؟
الكلام مفيش أسهل منه ...
بس الواقع امر بكتير منه ...
كلام حلو ودعوه للخير ...
فى دنيا مات فيها الضمير...
دنيا عايزه قلب من حديد ...
لو مسه النار لهب يزيد...
الطيب فيها مظلوم وضايع ..
والعشره ما بين خاين وبايع ....
وبشر مابين مطحون وغلبان ..
ويومها بيعدى وكأنه فدان ...
ولقمة عيش بطعم المرار ...
وكوكتيل هم وغم وأحزان ...
وناس كل يوم تصرخ من الجوع ...
طيب أضحك أزاى وأنا موجوع ... ؟؟؟؟
قـلـم آلـم / ياســــــر صـابـر

أعجبني

تعليق