الشاعر. مختار الخطيب يكتب(فراقك كسرني )
فراقك كسرنى
فراقك يا امى كسرنى
فراقك يا امى عذاب
بدعى ربى يصبرنى
على فراقك يا اعز الاحباب
كان نفسى ارد جميلك
ﻻكن مش بأيدى رحيلك
بس ليل نهار بدعيلك
بالجنه من غير حساب
وحشتنى ضحكتك الحلوه
وقلقك وخوفك عليا
وحشتنى دعوتك الحلوه
دليل رضاكى عليا
من يوم ماسبنينى
والدمعه ما فارقة عينى
تعالى فى منامى زورينى
واديها طله عليا
كان نفسى ارد جميلك
ﻻكن مش بايدى رحيلك
بس ليل نهار بدعيلك
بالجنه من غير حساب
شايف يا باباماما
جايه بتضحكلى ازى
شايف يا بابا ماما
عملالى باديها الشاى
كانت هنا بتضحكلى
مش معقول بيتهيألى
متقوليش سلامة عقلى
اهه بتقولى بااى
كان نفسى ارد جميلك
لاكن مش بايدى رحيلك
بس ليل نهار بدعيلك
بالجنه من غير حساب
فراقك يامى كسرنى
فراقك يا امى عذاب
كلماتى:الشاعر مختار الخطيب
تعليقات
إرسال تعليق