قاللى مره ((بقلمي/صفاء مصطفى الخواجة ))

 قاللى مره
((بقلمي/صفاء مصطفى الخواجة ))

قاللي مرة. كوني دوم متطمنة
مرة تانية قاللي غالية
بس خايف أظلمك!
قال وجودي جنبه. فارق
وإن حبي.مطمنه!
هو مين بس إللي يكره
واحدة زيك تفرحه؟
إنتِ جنة حلوة جاتني
فيها لمحة حنينة
والمشاعر جوه قلبك
نهره فيضه. ضحكتك
مين ح يرفض حب دافي
منه ما في ف دنيته
وعد مني أبقي ليكِ
ضهر يسند وحدتك
يحتويكِ زي أبوكِ
زي أخوكِ .و عزوتك
وإن عطشتي يروي قلبك
وبحنانه يسعدك!
قلت يكفي. انتَ عندي
صيف يدفي وحدتي
إيد ف وسط الضلمة جاية
ليا تمسح دمعتي
وإن لاموني يوم و قالوا
كلمة تطفي فرحتي
أجري ليك و أنسي الآسية
جوه قلبك دنيتي
وإن ف يوم توهت ودروبي
غربت لي خطوتي
ح ألقي جوه عنيك فناري
يهدي روحي. و قلعتي
((بقلمي/صفاء مصطفى الخواجة ))