الشاعر. محمد ثروت عبد الحفيظ يكتب/طبع الحياة
قصيده بعنوان...... طبع الحياه
كل واحد فينا دايما
ليه نصيب حتما يشوفه
واللى فكر ليه وقدر
كان على علم بظروفه
اللى عايش مش سعيد
واللى ف الغربة بعيد
واللى كان دايما وحيد
واللى فرحان عنده عيد
واللى مهما اليأس صابه
ناوى يبدأ من جديد
واللى إبنه عنه غايب
كان فى يوم يحلم يشوفه
واللى فايتينه الحبايب
واللى عاش ف وسط خوفه
هو ده طبع الحياه
ساعه تدى وساعه تاخد
القناعة طوق نجاه
إوعى قلبك يبقى جاحد
وأرضى باللى قسمه ليك
غيره ولله مش هتاخد
كلمات الشاعر محمد ثروت عبد الحفيظ
تعليقات
إرسال تعليق