الشاعر. محمد إسماعيل هلال يكتب/وبحلم نتقابل
من كلماتي واشعاري محمد اسماعيل هلال
وبحلم تتقابل تاني
وارجع الاقي ليسه مكاني
زي زمان ماكان موجود
والاقي ليسه عينيك فكراني
بتتمني نتقابل تاني
وحبك ليه مالوش حدود
كل مكان قابلتك فيه
برجع له وبحن ليه
ذكري جميله هناك عيشناها
حبك ديمن عايش بيه
الفرح بعدك ماعرفتوش
كل ماضينا عايش فيه
وبحلم نتقابل تاني
ليسه عينيك لصورتي انا فاكره
وحبي في قلبك عايشه فبكره
وعايش ليه فيه تفكر
زيي بتحلم ويمكن اكثر
وبتحلم نتقابل تاني
ولا في حلمي انا اناني
وبحلم نتقابل تاني
رغم سنين البعد مابينا
ماحاولتش في يوم انساك
ولما قدرنا فرق ببنا
عيشت عمري استناك
وانت نسيتني وهونت عليك
لكن غصب عني بفكر فيك
وبحلم نتقابل تاني
تحياتي لكم جميعا
محمد اسماعيل هلال
تعليقات
إرسال تعليق