الشاعر/أحمد صبري يكتب(يا طيبة )

ياطيبة
احمد صبري

انتي فين ياطيبة
ياحنينة
ياللي انتي دمعة عنيكي
مش هينة
انتي فين يا سكناني
ووحشاني
بحلم بلمسة ايديكي
والغربة وجعاني

انا مشتاقلك كتير
بحلم اخدك واطير
اعشق واحس واغني
ارتاح و الاقي  سكني
وكمان كل اللي كان
انساه بلمسة حنان
نفسي اشوفك عشان
هيموتني الحنين
انتي فين

ياللي عيونك حزينة
ياللي شفايفك ملاك
انتي ف انهي مدينة
انا ف بحور الهلاك
عطشان لمسة ايديكي
جوايا شايل ليكي
حب وحنان يكفيكي
انا ليا غيرك مين
انتي فين

صوتك عامل حكاية
صورتك محوطاني
نفسي تكوني معايا
بحلم تبقي عشاني
يا اجمل شيء حصلي
احلى احساس وصلي
انك  اهلي وتستاهلي
يا نجمعة العاشقين
انتي فين