الشاعر. محمد ثروت عبد الحفيظ يكتب/سيدنا الولي
قصيده بعنوان....... سيدنا الولى
قالوا صاحبنا أصبح ولى
والبركه ف عينيه بتطل
والعفاريت عايشين حواليه
وب أفعاله غلب الكل
يزرع كوسه تديله باميه
يشفى حمار وخروف بيهر
يالا ياصحبى نعيش حواليه
يالا نجرب مش هيضر
قلت ياعم ده واد نصاب
إوعى تصدق يوم لغراب
لما يقولك شفت الفيل
م البلكونه كان بيطل
وألا يقولك شفت حمار
واقف يرغى جنب الفار
لمح الاسد بطرف عنيه
راح له بسرعه وباس رجليه
قاله ياسيدنا عامل ايه
بص له بصه جاب له السل
وألا يقولك شفت زرافه
كانت قاعده بكل لطافه
عماله تحكى مع العرافه
بصت فوق على طرف عينيها
لفت لفه من حواليها
قالت بدرى عليكى ياشابة
كتر الهم وعيشت الذل
خد من كده علطول حكايات
زى التعلب عدى وفات
لف الدنيا ف ست ساعات
دايما عايش كده مسطول
ترس العقل ب صحنين فول
ومقضيها أفشخانات
كلمات الشاعر محمد ثروت عبد الحفيظ
تعليقات
إرسال تعليق