الشاعر احمد رضا يكتب(يا دموع)

يادموع مزينها الوجع
    أنا ضحية مجتمع
   فيه الكلاب متنعمه
وأطفال فى سنى بتتوجع
  
  ياكلاب حالتها اما تسوء
يجيبولها فى البيت شغاله
أنا ببيتى ركن ف صندوق
  وقوتى لقمه فى زباله

يابحور دموع مفيهاش فرحه
  أنا قلبى غرقان واستسلم
    وكل ما تثور مأساتى
     الجوع بيبكى ويتألم

      يارب سلمتك أمرى
  خد بيدى واعطف على حالى
واهدى اللى شافنى وراح ساعد
     كلب ع الناصيه قبالى

           أحمد رضا