الشاعر. حسين الدسوقي يكتب/انساكي
انساكي .. 2017
بقلم : حسين الدسوقي
وقالتلي انساني
مجيش بيتنا تاني
لتبصلي ولا تكلمني
يوماتي بكلامك ذاممني
وباصغر مشاكلك هاممني
تتحجج وتتهمني
ديما المظلوم وانت اللي
ظالمني انت حد اناني
احسن لك واحسن لي
ابعد عني انساني
انساكي هو انتي لساكي
فكراني حجر زي زمان
انساكي انتي فكراني مجنون
انساكي دا ف حد زاته جنان
انساكي والله مبقي انسان
لو جيتي طليتي ف قلبي
تلقي الصخر من حبي لان
ياما بت ف هواكي سهران
وكتير حكيت نجومك
وشربت من المطره وغيومك
رغم اني مش عطشان
وزرعتك ورده ف البستان
من وريد دمي رويتك
وف قصايدي ياما خبيتك
بصدق والله حبيتك
يشهد عليكي غزلي فيكي
تشهد قصايدي وعنيكي
وسنيني والحرمان
ياما اشتكيت للسهر
وكان وقته وقت السحر
وانا وحدي ع البحر
مفيش الا طيفك والشجر
ونسوني ف الاحزان
ياما حددتك وانتي غايبه
ان كنتي نسيتي اما كنتي دايبه
جايبه الوجع والدلع جو قلبي سوي
جامع الحزن والفرح والاسم دا الهوي
لما كلمت القمر عنك
وحكيتله انك وانك
ملكه رغم سنك
لقيته غيران
ياما لمست ايدك
وعقدة فتلة عقدك
اللولي علي جيدك
وكتبنا اسامينا
بدمانا اللي ف وريدي وريدك
فانا صعبان
عليا الحلم اللي بينا يموت
ونمضي دهر شبابنا ف سكوت
والعمر اللي عدا وجاي يفوت
كده بنسيان بجد انا خجلان
ازاي انساكي هو انتي لساكي
فكراني حجر زي زمان
لو جيتي طليتي ف قلبي
تلقي الصخر من حبي لان
انساكي انتي فكراني مجنون
انساكي دا ف حد زاته جنان
انساكي والله مبقي انسان
تعليقات
إرسال تعليق