الشاعر محمد ثروت عبد الحفيظ يكتب/سيدنا الولي
قصيده بعنوان....... سيدنا الولى
قالوا صاحبنا أصبح ولى
والبركه ف عينيه بتطل
والعفاريت عايشين حواليه
وب أفعاله غلب الكل
كل يومين نسمعله حكايه
سيرته مسمعه زى الفل
يالا ياصحبى نعيش حواليه
يالا نجرب مش هيضر
قلت ياعم ده واد نصاب
إوعى تصدق يوم لغراب
لما يقولك شفت الفيل
م البلكونه كان بيطل
وألا يقولك شفت حمار
دب خناقه ويا الفار
علشان باعوا بقرش فيشار
عند الواد حوده الجزار
والفار يومه مش هيمر
وألا يقولك شفت زرافه
كانت قاعده بكل لطافه
عماله تحكى مع العرافه
لفت لفه من حواليها
بصت بصه ف طرف عينيها
قالت لازمك هدمه نضيفه
لبسك عيره مش بيغر
وألا التعلب عدى وفات
لف الدنيا ف ست ساعات
خد من كده علطول حكايات
ومقضيها ف إشتغالات
ولا بيفيدك ولا بيضر
كلمات الشاعر محمد ثروت عبد الحفيظ
تعليقات
إرسال تعليق