الشاعر.حسن عز الدين يكتب/شوفت ناس
شوفت ناس 👀
شوفت ناس عملين ملايكة
وهما أصلا شياطين 👹
النفاق بقي طبع فيهم
والسهل حلفان باليمين ☝
الرجولة مش سهولة
فى خلق عايشة كدابين ...
والامانة مع السلامة
والعشرة ماتت من سنين ...
والجنية بقي عم ليهم
بالفلوس كدة تشتريهم
لو فى مرة هتلاقيهم
بتلاقيهم غدارين ...
شوفت ناس 👀
رمين وراهم الكرامة والضمير
من غير كسوف
دايما تطوف
وتلف ع الاكل الكتير ...
دايما تكبر فى الصغير
وتقل من الكبير ...
شفت ناس 👀
شفت ناس الغل فيهم
زى شمعة مولعة
نار بتحرق فى اللى ناجح
والسيرة مسمعة ...
والغرور دايما مليهم
والحقد مخلوق بس ليهم
وقت فرحك بتلاقيهم
العين مدمعة ...
حسن عز الدين ✍
تعليقات
إرسال تعليق