الشاعر.نور الدين سعد يكتب/كلمة رئيس
كلمة رئيس
قصيدة جديدة
قالوا انت فيك عيوب!!
قلت ايه؟
قالوا عاشق
قلت عاشق في الهواء
ونفسي اتوب
قالوا، لسه فيك عيوب؟
قلت تاني.
قالوا جاهل
قلت جاهل في الغرام.
مكنتش اعرف ليه دروب
قالوا لسه فيك عيوب؟
صرخت... تاني.
قالوا شاعر!!
قلت طيب وايه المشاكل.
ليه بتكتب عن الغلابة
واللي مات والسجين
واللي مش عارف يعيش
انت ظابط ولا رابط
ولا تكنش باش شويش
انت ضيف
واحمد ربك
ان سيبينك تعيش
وان سيبينك تصلي
ووجهك للقبلة القديمة
وان سيبينك تبرطم
وتقول كله شغل سيما
اوع تكون فاكر حروفك
عننا بتروح بعيد
ده احنا تبعين كل حرفك
كل كلمة عليها اسمك
كل حسنة رسمها جسمك
بس سيبينك تعيش
سكت ساعة سكت يوم
سكت شهر
قالوا مالك
قلت لا عادي مفيش
قالوا طيب لم نفسك
مفيش دي كلمة رئيس
كلمات عميقة لعلها تصل للعقول
ردحذف