الشاعر. عادل ياقوت يكتب/راح
راح ...
وافترقنا بعد الحب الكبير
بعد الأشواق والحنين ..
بعد عيون فضلت سهرانين
خد منها السهد أيام وسنين
بعد الفكر اللى عشت فيه والأنين
والصبر والدموع الحيرانين ....
خلاص ياقلبى راحت أجمل اللحظات
راحت الدقات والآهات .....
راح اللى كان مدوبنى بالساعات ....
وراحت معاه السلامات ....
راح الانتظار واللى فات أصبح ذكريات
وأسأل نفسى هقدر على البعاد ....
ولا ابتديت رحلة تانية من العذاب ...
وأعمل ايه لما أشوفه وأفتكر فى
عيونه كل الحكايات ....
لو كلمنى وسمعت صوته اللى كنت
باسمعه أرق النغمات ....
خلاص ياقلبى راحت أجمل اللحظات
أعمل ايه لو شفت ابتسامته يوم
لوعاتبنى وسلم بايده وطير
من عينى النوم ....
أرجع اليه ولا أجافيه ...
وكفاية حب وحنين اليه ....
كفاية جريت كتير عليه ....
وقربت منه وفرحت بيه ....
وكان رده العذاب لقلبى والحرمان بايديه..
خلاص ياقلبى مليت وقسيت كتير واكتفيت
خلاص ياقلبى راح اللى راح من بعد الجراح .
كلمات / عادل ياقوت
تعليقات
إرسال تعليق