شعر للمبدعه راويه حسين القلب الطيب

==========
القلب الطيب****
=========
كل ماكان قلبك طيب
الكل منك بيتقرب
وتنول الحب والرضا
وتكون من ربك قريب
القلب الطيب بيسامح
وبيغفر دايما على طول
وللكره اكيد دايما ماسح
ومكانه محبة بتطول
الطيبه فى زمانا بقت عيب
والكل يقلك ده طيب
وكانه بطيبته بقى غريب
لا ده قلبه اكيد طيب
واطيب قلب ده قلب الام
دايما بيسامح ويضم
ولاولادها على طول بتلم
وتتمناهم احسن م الكل
وياسلام على طيبة قلبك
يابويا ولافيش زيك
فى الدنيا وكمان حبك
مالى قلبى على طول بحبك
وياقلبى ...........ياطيب
خليك هنا ........قريب

واوعاك تانى تصدق
ان الكل بقى طيب
والطيبه مش كلام
دى اصلها افعال
وكمان مش علام
دى اصلها احساس
مش عند كل الناس
دى لها ناس وناس
مهما تكون استاذ
فى الطيبه دى لاء
دى اصلها احساس
انا قلبى من طيبته
بيحب كل الناس
ومهما الناس جرحته
يحب برضو باخلاص
الطيبه دى اصلها نور
للقلب وكمان للروح
وتخلي القلب كله سرور
وتداوى كل الجروح
الطيبه من الجنه
واللى ينولها يتهنى
يارب هنياله
ينول ما يتمنى
عشان قلبه الطيب
الطيب عمره مايندم
على خير ولايتكلم
ولكنه يتالم
فى صمت ولا يتالم
ودايما بيتعلم
اصلا هو معلم
بالطيبه فى القلوب
هى اللى بتعلم

==============