ايمان السعيد أنساااااان بجد
ايمان السعيد
أنساااااان بجد
مايهمنيش أسمك
ولا حتي إيه وصفك
يهمني أحساسك
ونبض أنفاسك
ب قيسها ب الحنيا
والطيبه والود
لو هاتفرح عينيا
تبقي سقيت الورد
يهمني تكون
بتقدر المشاعر
تحبني بجنون
أصل الحب واعر
مش أي قلب يقدره
لازم يكون حب بجد
ولا أي عين تتحمله
مش أي نظره لأي حد
مايهمنيش لونك
اسمر ولا قمحي
يهمني أنك
تحس بملامحي
وتفهم نظراتي
من غير ولا كلمه
تكون لي ف حياتي
البسمه والغنوه
تكون كتاب مفتوح
انت فيه المتيم
وأنا حبيبة الروح
العاشقه اللي بتحلم
بحضنك الدافي
وكلامك المعسول
يكون لها الشافي
والكايد للعزول
المهم أنك تكون
أنسااااان بجد
مش مهم أيه ف إيدك
مش عند حد
وما كونش عبد من عبيدك
ولا حيطه سد
إيمان السعيد
تعليقات
إرسال تعليق